الشخصيات: اللعبة التنافسية الأشهر في عالم ال MOBA فيها 140 بطل، كل واحد بقدرات مختلفة تحتاج احتراف عالي على الRift. كل لاعب ياخذ دور من خمسة : التوب، الغابة، الميد، البوت، أو الدعم. وعلى مستوى المحترفين، المهارة لوحدها ما تكفيك.. لازم تبتكر، تتوقع، وتقدم لحظات ذكية ترجعك للمباراة و تشعل الجمهور.
القصة: فريقين من خمسة يتواجهون على أرض الـRift، كل واحد يحاول يسيطر على المسارات، يربح المعارك الجماعية، ويطوّر أبطاله من خلال الأدوات. و بهدف واحد: سحق الخصم وتدمير النيكسس.

أقوى لحظات اللعبة تجي من الفايتات الجماعية اللي تقلب الموازين و تغيّر مجرى المباراة. و قتل الوحوش الكبيرة في الغابة يعطي أفضلية إقتصادية ضخمة، عشان كذا جزء كبير من الإستراتيجية يدور حول تأمين هذي الوحوش.
لماذا: ليغ League Of Legends لعبة معقدة بتفاصيلها لكن في النهاية، الموضوع كله عن مين اللي يتفوّق، و المحترفين هنا يعرفون يسوونها بشكل ما يشبه أحد! إذا تبغى تشوف كيف النجوم الكبار صاروا أيقونات في عالم الرياضات الإلكترونية، لا تفوّت المواجهات الحماسية في EWC.